Угшил

2020/01/16 24 0

-Харцын хүүхдүүдээ дэмжсэн нь хол дээр-  
Хурдан удмын, хосгүй хурдан, эрмэг сайхан морьдын тухай өгүүлэх бус ирэх 2020 оны сонгуулийн сунгаад оролцохоор зэхэж буй улстөрчдийн хүүхдүүдийн тухай хэлж буй хэрэг. Эцэг эхийнхээ мэргэжил мэдлэгийг өвлөж үр хүүхдүүд нь өсч өндийдөг нь амьдралын нэгэн бичигдээгүй хууль ч бас болох болохгүй зүйл гэж бий. Хэдийгээр Монгол Улсын Үндсэн хуульд иргэн сонгох, сонгогдох эрхтэй гэж заасан ч бодох л ёстой, ёс зүйтэй байх асуудал. Дэвхрэг дэвхрэхдээ буух газраа мэддэггүй гэдэгчлэн эцгүүд нь өнөөгийн улс төрд хэрхэн нэр хүндтэй, хийж бүтээсэн зэрэг нь хэр байгааг бодолцох л ёстой. Доор дурдах эдгээр нөхөд ирэх сонгуульд гарч гэмээнэ, ард олныхоо, эх орныхоо төлөө хоёргүй сэтгэлээр зүтгэж чадвал хаа хаанаа хэрэгтэй. Харин аавуудын хийж чадаагүй буруу гарын зүйлсийг хийвэл есөн үеэрээ хараагдах нь тодорхой...
Өнөөгийн байдлаар тодроод байгаа улстөрч аавын хүүхдүүдийг ард олон эрэмбэлээд байгаа. Тэгвэл тэр эрэмбээс эхлэх нь зүйтэй байх.
“Эрдэнэ ван”-гийн хошуу хэмээх ёж үгУИХ-ын гишүүн, АН-ын дарга С.Эрдэнэтэй холбоотой гэдгийг хүмүүс андахгүй. Улстөрчид сайнаасаа илүү саараар хэлэгдэх нь ихбайдаг ч тэрбээр менежмент тэр тусмаа улстөрийн менежмент сайтай хуруу дарам цөөн хэдэн нөхдийн тоонд зүй ёсоор багтдаг гэж байгаа.
УИХ-д хэд хэдэн удаа улиран сонгогдсон түүнийг Баянгол дүүргээс салгаж ойлгож бас болохгүй. Гэхдээ түүнийг сүүлийн үед залгамж халаагаа цэвэрхэн бэлтгэж байгаа гэгдэг ч нөгөө л “Нийгмийн даатгалын мөнгө...” гэх хамгийн ёозгүй хэргийн тухай бодол зурсхийдэг нь нууц биш.
Түүний хүү Одбаяр гэгч залуу Зон олны намын генсек гэж байгаа. Залуусаас бүрдсэн энэ намыг залуус удирддаг. Тус нам 2016 онд "МЭДЛЭГ ЯЛНА” уриатайгаар үүсгэн байгуулагдсан түүхтэй. Үнэхээр уриандаа зохисон гэлтэй тус намын гишүүд дэмжигчид нь эмч, багш, дунд тушаалын мэдлэг боловсролтой, туршлагатай ажилтнуудаас бүрддэг гэдэг.
БНХАУ-д боловсрол эзэмшсэн, боловсролоороо хэнээс ч дутахгүй гэх зэргээр ам сайтай байгаа. Гэсэн ч аавынх нь балаг гай болохыг үгүйсгэхгүй.
Ирэх сонгуульд залуучууд их үзнэ, улс төрийн хуучин намуудад тийм ч таатай бус гэсэн прогнозтой байгаа энэ үед Эрдэнэ вангийн хүү ийнхүү хүч үзэх сурагтай.
Үүнтэй зэрэгцээд Ерөнхий сайд асан С.Батболдын хүү Баттүшигийгээ улс төрд зүтгүүлэхээр зэхэж байгаа аж. Сү-гийн хувьд оффшор дансны асуудлаас үүдэн улс төрийн карьер нь дуусгавар болж, хуулийн байгууллагын үүд сахиж ч мэдэхээр байгаа. Тиймээс хүүгээ улс төрд зүтгүүлэхээр шийдэж.
МАН-ын НАМЗХ-ны дэд ерөнхийлөгч, МҮОХ-ны дэд ерөнхийлөгч, Монголын бадминтоны холбооны ерөнхийлөгч зэрэг сонгуульт ажлуудыг хавсран гүйцэтгэдэг түүнийг албан тушаалд дуртай гэх нь ч бий. Олны яриа оргүй байж ч мэднэ. Мөн гурван жилийн өмнө олон улсын Эрэн сурвалжлах сэтгүүлчдийн консорциумаас оффшор данстай хүмүүсийн нэрсийг дэлгэхэд Ерөнхий сайд асан С.Батболд, түүний хүү Б.Баттүшиг нар Их Британийн Виржинийн аралд оффшор данс эзэмшиж, хувьцаагаа шилжүүлсэн гэсэн мэдээлэл цацагдаж байв. Бас хувийн мэдээллийг хууль бусаар цуглуулж, сонгуульд ашигласан хэрэгт холбогдоод байгаа гэх мэдээлэл ч байдаг л юм.
Тэгвэл дээрх хоёртой зэрэгцээд Ерөнхийлөгч асан Ц.Элбэгдоржийн хүү Эрдэнэ ч энэ сунгаад давхих сурагтай.
Монголын ард түмэн аавд нь “Монголын баялгийг хуйвалдан мөлжиж, хүчирхэгжсэн бүлэглэл, төрөөс төрсөн тэрбумтнуудын гол эзэн, МАНАН-гийн эцэг, шударга бусын хонгилыг бий болгосон хүн”, “Эрдэнэтийн 49 хувийн луйвар”, “АСЕМ-аас мөнгө идсэн хэрэг”, “Их тэнгэр” цогцолбороос алдагдсан уран зургууд... гэх зэрэг тодотголтой салшгүй холбоотой гэдэг тул мэдрэмж нь гайгүй гэх аав нь улс төрөөс хол байхаа хэлж байсан. Гэхдээ үйл хэргээ хүүдээ залгамжлуулах вий гэж бараг л эмээж байгаа.  
Энхийг сахиулах ажиллагаанд оролцож тагнуулын ч юм уу эмнэлгийн юм уу офицерын үүрэг гүйцэтгэн Өмнөд Суданд байхад нь төрийн тэргүүн гэсэндээ хүүгээ эргээд очиж байхад монголчууд нулимс дуслуулах нь холгүй хүлээж авч байв. Харин Э.Эрдэнэ ирснийхээ дараа “Харцын хүүхдүүдтэй хамт алба хаалаа” гэж яриад буруудаж байсан удаатай.
Эцэг Ц.Элбэгдоржид нь хамгийн сүүлд монголчууд “Монгол улсыг 30 миллиард долларын өрөнд оруулсан, Монголын улс төрчдөөс харийн мөнгө хүүлэгчдэд хамгийн их ашиглагдсан хүн” гэх тодотгол өгөөд байгаа энэ цаг үед ЭБЭ-гийн хүү хэр хол давхих бол.
Залуус өрсөлдөх нь тодорхой болсон ч аавуудын балаг хэр чангаах бол. Нөгөөтэйгүүр мууг нь үргэлжлүүлбэл Монгол Улсын хөгжлөөс хэдэн арван жилээр бас л чангаана. Тэгэхлээр харцын хүүхдүүдээ дэмжсэн нь хол дээр болов уу. Энэ бол чдарч туйлдсан ард олны үг, бас бодол. 
Erennews.mn
скачать dle 12.0

Санал болгох

Сэтгэгдэл

Нэр:*
Сэтгэгдэл:
Код: *
reload, if the code cannot be seen